حوار بين الجدة والحفيدة سنة 2050 بيتكلموا على سنة 2008 جامد اوى
5 مشترك
كاتب الموضوع
رسالة
LOVE QUEEN مشرف عام
عدد الرسائل : 51 تاريخ التسجيل : 03/09/2008
موضوع: حوار بين الجدة والحفيدة سنة 2050 بيتكلموا على سنة 2008 جامد اوى الخميس سبتمبر 04, 2008 6:01 am
الحفيدة : تيتا ماهيتاب إزيك .. حلو البدي اللي انتى لابساه ده . بس ده موضة قديمة قوي يا تيتا الجدة : يا بنتي أنا ست دقة قديمة وبالبس زي ما جيلنا اتعود وحسب التقاليد القديمة بتاعتنا
الحفيدة : أيوه بس مش حاسة إنك مخنوقة وانتى لابساه؟ الجدة: أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهربس، مع البنطلون السترتش الجلد والجوانتي الجلد... كانت حاجة آخر روشنة
الحفيدة : ياه يا تيتا .. ده انتوا كان ليكم تقاليد غريبة خالص الجدة : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2007م ، هو الواحدة فينا كانت تستجري تشرب سيجارة البانجو قدام باباها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا تيتا؟ للدرجة دي!!؟؟ الجدة : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانوا الستات يلبسوا فوقيها بلوزة باستمرار ..مش زي دلوقتي! الحفيدة : يا خبر .. وإيه كمان يا تيتا الجدة : حأقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والسريعة الروشة اللي تعمر النافوخ بصحيح كانوا مطربين روشين طحن وكله كوم والست كوم تاني
الحفيدة: ومين الست دي يا تيتا الجدة : في حد مايعرفش الست...نانسي عجرم طبعا الحفيدة : وبعدين الجدة : وبعدين كنا نسمع على حاجة اسمها اسطوانات ليزر ، ودي صحيح انقرضت ، بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة الحفيدة : حكاويكى ممتعة قوي يا تيتا.. ثانية واحدة بس لما أصحي سوسو صاحبي لأنه بايت معايا في الأودة من امبارح ..
)بعد عدة دقائق) هيه يا تيتا .. وبعدين الجدة : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟
الحفيدة : 70 مليون بس؟!! الجدة : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه ، وكان أتخن جوز جزمة بمتين وخمسين جنيه ، وكان الواحد يقدر يشتري شقة تمليك بـ 350 الف جنيه بس .. وكان الدولار بستة جنيه بس تخيلي بقى؟
الحفيدة : ما هو علشان كده كان الجواز على أيامكم كان سهل خالص الجدة : أمال .. ده الراجل كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعد مع الولد كام سنه قبل الجواز علشان يتعرفوا على بعض أكثر زيك انتي وسوسو صاحبك ، أنا شخصياً شايفة إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها
الحفيدة : ده انتوا كنتوا متزمتين خالص يا تيتا !!!
الجدة : يا بنتي إحنا اتربينا على الأخلاق والفضيلة والعادات والتقاليد .. يعني كانت الواحدة مننا زمان لما تدخل الأسانسير وتلاقي جارتها في الأسانسير ممكن تفكر تصبح عليها ، ومش بعيد كانت تسألها عن أحوالها ... وكانوا أهل الفن محتشمين جداً وكانوا دايماً يطلعوا بالمايوهات البيكيني ، والمذيعات كانوا يقعدوا جنب الضيف مش على ركبته زي دلوقتي... هيـ يـ يـ يـ ـه الله يرحم دي أيام
الحفيدة : رايحة فين يا تيتا الجدة : أصلي كنت موصية الجزار على اتنين كيلو لحمة وأعطيته ثلاثة آلاف جنيه عربون وعايزة أروح أطمن إذا كانت اللحمة وصلت ولا لأ .. تشاو .. سي يو
"أوعوا توافقوا على كدة فى حياتكم
انتظروا كل جديد
المشرف العام Admin
عدد الرسائل : 62 العمر : 37 الموقع : http://www.gaana4love.com/inadx.html تاريخ التسجيل : 24/08/2008
موضوع: جامده موت الخميس سبتمبر 04, 2008 1:07 pm
ههههههههههههههههههههههههههههههههههههههههههههههههههههههههه ايه ده يا عم الله يرحم اما كان الكيلو الحمه ب3 قروش ياااااااااااااا ه ايام بقه تسلم ايدك بجد تحفه ههههههههههههههههههههههههههههههههههههههههههههههههههههههههه
همسات دافئة
عدد الرسائل : 90 الموقع : عاشق فى دنيا الرومانسية تاريخ التسجيل : 30/08/2008
موضوع: رد: حوار بين الجدة والحفيدة سنة 2050 بيتكلموا على سنة 2008 جامد اوى الجمعة سبتمبر 05, 2008 11:48 am
هههههههههههه موضوع حلو اوووووووووى بس لو حد سمع ان الست على ايامنا كانت نانسى هيموتونا هههههههههههههههههههههههههههههههههه الله يرحم ايام السابعينيات ايام الفستان والجيب مش الباانطالون والمينى والميكرو جيب والسوريهات ياه ايم بقى ههههههههههههههههههههههههههه بس بجد موضوع حلوووووو
LOVE QUEEN مشرف عام
عدد الرسائل : 51 تاريخ التسجيل : 03/09/2008
موضوع: رد: حوار بين الجدة والحفيدة سنة 2050 بيتكلموا على سنة 2008 جامد اوى الجمعة سبتمبر 05, 2008 7:20 pm
ميرسي بجد مرورك زاد الموضوع جمال
المشرف العام Admin
عدد الرسائل : 62 العمر : 37 الموقع : http://www.gaana4love.com/inadx.html تاريخ التسجيل : 24/08/2008
موضوع: رد: حوار بين الجدة والحفيدة سنة 2050 بيتكلموا على سنة 2008 جامد اوى السبت سبتمبر 06, 2008 3:34 am
الخميس سبتمبر 04, 2008 6:01 am
